Təlimin proqramı

Hekayələşdirmə sənəti hər zaman insan təcrübəsinin mərkəzində olub. İnsanların hekayələşdirmə üsulunun yer aldığı məlumatın, yalnız fakt və statistikaların qeyd olunduğu təqdimatla müqayisədə yadda saxlama ehtimalı 22 dəfə daha çoxdur. Bu təlim hekayələşdirmə üsulun nədən vacib olduğunu, necə işlədiyini, insanların məlumatın qavrayışına necə təsir göstərdiyini və necə formalaşdığını əhatə edəcək. Əlavə olaraq, hekayələrin fərqli quruluş növlərini də müzakirə edəcəyik.

Əlavə məlumat

Təlim 5 illik bələdçilik təcrübəsinə malik olan, "Сertified Hospitality Trainer" sertifikatına sahib olan və hal-hazırda Azərbaycan Turizm Bürosunda Turizm Təlim və Sertifikasiya mərkəzinin meneceri vəzifəsində çalışan Vəfa Əhmədova tərəfindən keçiriləcək. Təlim Landmark hotelində baş tutacaq. Təlimə qoşulmaq ödənişsizdir. Təlimin axırında TTSM-in sertifikatını almaq istəyənlər üçün 10 AZN məbləğində ödəniş nəzərdə tutulub.

Qeydiyyat üçün son tarix 18 may, 18:00-dır.